Vidhanaparijata 7.p391

7.p391

tatra mantro yathā | aṅgāraka namaste'stu dhanapuṃstvapra dānataḥ | śiśujanmani doṣāṃśca nivāraya mahāprabho || iti | tata ṛtvigbhyo yathāśakti dakṣiṇāṃ dattvā rudrasarpādīnāmuttarapūjanaṃ vidhāya tāmrapātre phalapuṣpādiyutaṃ jalaṃ prakṣipya sarpāyarghyaṃ dadyāt | tanmantro yathā | sarpādhīśa namastubhyaṃ nāgānāñca gaṇādhipa | gṛhāṇārghyaṃ mayā dattaṃ sarvvāriṣṭaṃ praṇāśaya || iti | tata uttiṣṭha brahmaṇaspate abhyāraṃ† yāntu devagaṇā iti visṛjya saṅkalpapūrvvakaṃ pratimādikamācāryyāya dattvā‡ agniṃ sampūjya gaccha gaccha suraśreṣṭha iti visṛjya śatatadarddhadaśādyatamabrāhmaṇabhojanaṃ kārayitvā karmma īśvarāya samarpya yasya smṛtyetyuktvā śāntisūktajapaṃ kārayitvā suhṛdvṛto bhuñjīta iti