Gudharthadipika 2.p140

2.p140

viṣṇupurāṇe-- "trirapaḥ prīṇanārthāya devānāmupavarjjayet | ṛṣīṇāñca yathānyāyaṃ sakṛccaiva prajāpateḥ || pitṝṇāṃ prīṇanārthāya trirapaḥ pṛthivīpate | pitāmahebhyaśca tathā prīṇayetprapitāmahān || mātāmahāya ca tathā tatpitre ca samāhitaḥ | dadyātpitreṇa tīrthena kāmyañcānyacchṛṇuṣvame || mātre pramātre tanmātre gurupatnyai tathaiva ca | gurave mātulādīnāṃ śvaśure snigdhabhūbhuje || idañcāpi japedambu dadyātmecchayā nṛpa | upakārāya bhūtānāṃ kṛtadevāditarpaṇaḥ || devāsurāstathā yakṣā nāgagandharvakinnarāḥ | piśācā guhyakāḥ siddhāḥ kūṣmāṇḍāstaravaḥ khagāḥ || jalecarā bhūnilayā vāyvādhārāśca jantavaḥ | tṛptimete prayāntvadya maddattenāmbunā'khilāḥ || narakeṣu samasteṣu yātanāsu ca ye sthitāḥ | teṣāmāpyāyanāyaitaddīyate salilammayā || "ye bāndhavā'bāndhavā vā ye'nyajanmani bāndhavāḥ | te tṛptimakhilā yāntu ye cāsmatto'bhivāñchati ||"