Gudharthadipika 2.p214

2.p214

“uṣaḥkāle tu samprāpte śaucaṃ kṛtvā yathārthavat | tataḥ snānaṃ prakurvīta dantadhāvanapūrvakam || sandhyākarmāvasāne tu svayaṃ homo vidhīyate | svayaṃ homaphalaṃ yattu tadanyena na jāyate || ṛtvikputro gurubhrātā bhāgineyo'tha viṭpatiḥ | etaireva hutaṃ yattu taddhutaṃ svayameva hi || divasasyādya bhāge tu sarvametatsamācaret | dvitīye ca tathābhāge vedābhyāso vidhīyate || samitpuṣpakuśādīnāṃ sa kālaḥ samudāhṛtaḥ | tṛtīye ca tathā bhāge poṣyavargārthasādhanam || mātā pitā guru bhāryā prajādīnaḥ samāśritaḥ | abhyāgato'tithiśvāgniḥ poṣyavarga udāhṛtaḥ || anyo'pi dhanayuktasya poṣyavarga udāhṛtaḥ | jñātirbandhujanakṣīṇaḥ tathā'nāthaḥ samāśritaḥ || bhojyaṃ vastraṃ hiraṇyañca anyaccāpi tathāvidham | jñānavadbhiḥ pradātavyamanyathā narakambrajet || caturthe tu tathā bhāge snānārthaṃ mṛdamāharet | tilapuṣpakuśādīni snānañcākṛtrime jale || mārjjanaṃ jalamadhye tu prāṇāyāmo matastataḥ | upasthānaṃ tataḥ paścādgāyatrījapa uttamaḥ || pañcame'pi divābhāge samvibhāgo yathārhataḥ | pitṛdevamanuṣyāṇāṃ kīṭānāñcopadiśyate || sambhāgantataḥ kṛtvā gṛhasthaḥ śeṣabhugbhavet | itihāsapurāṇādyaiḥ ṣaṣṭha - saptamakau nayet || aṣṭame lokayātrā tu bahiḥsandhyā tataḥ param | pradoṣapaścimau yāmau vedābhyāsena tau nayet || yāmadvayaṃ śayāno hi brāhmaṇo nāvasīdati | śarvayryā madhyamau yāmau hutaśeṣaṃ haviśca yat || bhuñjānaśca śayānaśca brāhmaṇo nāvasīdati ||"