Gudharthadipika 2.p554

2.p554

atha piṇḍadānam brāhme - "śirastvādyena piṇḍena pretasya kriyate sadā | dvitīyena tu karṇākṣi nāsikāyāstu samāhitaḥ || galāṃśabhujavakṣāṃsi tṛtīyena ca dāpayet | caturthena tu piṇḍena nābhiliṅgagudāni ca || jānu jaṅghe tathā pādau pañcamena tu sarvadā | sarvamarmāṇi ṣaṣṭhena saptamena tu nāḍyaḥ || dantalomādyaṣṭamena vīryantu navamena ca | daśamena tu pūrṇatvantṛptatākṣudviparyayaḥ || bhāṣeta tacca te piṇḍam yajñadattasya pūrakam | sadyaśśauce pradātavyāḥ sarve'pi yugapattathā || tryahāśauce pradātavyaṃ prathametveka eva hi | dvitīyehni catvāra stṛtīye pañca eva hi ||" eṣa śiraṣpūrakapiṇḍa ityādi prayojyam | eka ityādi kāṇvaśākhiparam | mādhyandinānpratyāha-pāraskaraḥ--"prathamedivasedeyāstrayaḥ piṇḍāḥ samāhitāḥ | dvitīye caturodyādasthisañcayantathā || trīṃstudadyāttṛtīye'hni vastrādikṣālanantathā ||”