Kalanirnaya (Kalamadhaviya) 10.p30

10.p30

svarūpaṃ, na tu dānādikam | ataevākaraṇe pratyavāyamabhidhāya vākyaśeṣe jayantīprayukta-dānādi-śaṅkā-vyāvṛttaye kevalaśabdaupavāsa-viśeṣaṇa tvena paṭhyate,— “kevalenopavāsena tasmin janmadine mama | śata-janma-kṛtāt pāpānmucyate nātra saṃśayaḥ”—iti| tasmājjanmāṣṭamī-vratasyopavāsamātraṃ svarūpam | yadi śiṣṭāstatrāpi jāgaraṇa-dānādikamanutiṣṭhanti, anutiṣṭhantu nāma| aviruddhaiḥ puṇyaviśeṣaiḥ vratasyopodvalanasambhavāt | śāstreṇa tu prāpitamupavāsamātram | jayantī-vratasya tu dānādi-sahitaupavāsaḥ svarūpam| tadvidhāyakeṣu śāstreṣu tathā'bhidhānāt | tathā ca vahnipurāṇe,— “tuṣṭyarthaṃ devakī-sūnorjayantī-saṃjñakaṃ vratam| karttavyaṃ vitta-mānena†(1) bhaktyā bhakta-janairapi”—iti | bhaviṣyottare'pi,— “māsi bhādrapade'ṣṭamyāṃ niśīthe kṛṣṇapakṣa-ge | śaśāṅke vṛṣarāśisthe ṛkṣe rohiṇī-saṃjñake || yoge'smin vasudevāddhi devakī māmajījanat | tasmānmāṃ pūjayettatra śuciḥ samyagupoṣitaḥ