Kalanirnaya (Kalamadhaviya) 10.p36

10.p36

kāmyatvena ca miśrarūpaṃ jayantīvratam| tatra, phala-vākyāni pūrvapattaeva asakṛdudāhṛtāni| akaraṇe pratyavāyaśca jayantīṃ prakṛtya kasmiṃścitpurāṇe smaryate,"akurvan yāti narakaṃ yāvadindrāścaturdaśa" iti | skandapurāṇe'pi,"śūdrānnena tu yatpāpaṃ śavahastasya bhojane | tatpāpaṃ labhate kunti, jayantī-vimukhonaraḥ || brahmaghnasya surāpasya govadhe strīvadhe'pivā | na lokoyaduśārdūla, jayantī-vimukhasya ca || kriyāhīnasya mūrkhasya parānnaṃ bhuñjato'pivā | na kṛtaghnasya loko'sti jayantī-vimukhasya ca || na karoti yadā viṣṇorjayantī-sambhavaṃ vratam | yamasya vaśamāpannaḥ sahate nārakīṃ vyathām || jayantī-vāsare prāpte karotyudara-pūraṇam | saṃpīḍyate'timātrantu yamadūtaiḥ sudāruṇaiḥ || kākolātrāyasaistuṇḍaiḥ kṣuṇṇasya kalevaram | yobhuñjīta vimūḍhātmā jayantī-vāsare nṛpa"-iti | etairakaraṇe pratyavāya-vākyairnityatvañca jayantyāḥ| nanvevamuktairakaraṇe pratyavāya-vākyaiḥ 'kevalenopavāsena'-iti pāpa-kṣaya-vākyācca janmāṣṭamī vratamapi nitya-kāmyaṃ syāt | maivam | pāpa-kṣaya-phalakatva-mātreṇa kāmyatve