Kalanirnaya (Kalamadhaviya) 10.p56

10.p56

“aṣṭamī budhavāraṇa rohiṇī-sahitā yadā | bhavettu muniśārdūla, kiṃ kṛtairvrata-koṭibhiḥ”—iti | yathokta-rītyā vihita-tithāvupavāsaṃ kṛtvā paredyuḥ pāraṇenopavāsaṃ samāpayet| “pāra tīra karma-samāptau”—ityasmāddhātorniṣpannaḥ pāraṇaśabdaḥ| yadyapyasau samāptimātramabhidadhāti, tathāpyupavāsa-samāptāveva loka-śāstrayoḥ prayogātpaṅkajādi-śabdavadyogarūḍhodraṣṭavyaḥ(1)| tathā ca yogarūḍhyopavāsasya caramāṅgaṃ bhojanamabhidhatte | aṅgatvañcopavāsavidhivākyeṣu ‘tithibhānte ca pāraṇam’—iti vidhānādavagantavyam | na ca, rāgaprāptasya bhojanasyānena vacanenopavāsāṅga-tithi-nakṣatra-śeṣayorniṣedhaḥ kriyate, na tu pāraṇa-nāmakaṃ kiñcidaṅgaṃ vidhīyate,—iti śaṅkanīyam | tathā sati pāraṇa-śabda-prayogādyanupapatteḥ| rāga-prāpte hi abhyavaharaṇe bhojanaśabdaḥ| tatra, pāraṇaśabdena rāga-prāpta-bhojanavivakṣāyāṃ mukhyārthobādhitaḥ syāt | kiñca, yadi pāraṇamaṅgaṃ na syāttadā pratinidhi-vidhānaṃ nopapadyate | tadvidhānañca dvādaśī-prastāve devalena smaryyate,— “saṅkaṭe viṣame prāpte dvādaśyāṃ pārayet katham