Kalanirnaya (Kalamadhaviya) 13.p36
Kālanirṇaya (Kālamādhavīya) 13.p36
- Language
- Sanskrit
13.p36
nirmathitaśca | cayanaṃ prakramyokhāṃ nirmāya tasyāmukhāyāṃ kañcitkālaṃ dhāraṇāya yo'gnirmathyate, so'cira-nirmathitaḥ | teneṣṭakāḥ pacyante, tasyaiva pratyāsannatvāt| tathā ca, mathanasyāgni-dvitaya-sādhāraṇe'pyacira-nirmathitamagniṃ niyantuṃ rūḍhirāśrayaṇīyā | yathā vā, “nāvanītaṃ ghṛtam”— ityatra navanīta-janyatva-yogasya cirācirayorubhayoḥ sādhāraṇe'pi nūtana eva ghṛte nāvanīta-śabdoloke prasiddherniyamyate | tadvadatrāpyavagantavyam| tathā ca sati, pratīyamāna-yogasyāparityaktatvāt niyatyai rūḍhi svīkārācca yogarūḍho'yaṃ nirmandhyaḥ, —iti rāddhāntaḥ