Kalanirnaya (Kalamadhaviya) 14.p10

14.p10

“bhūta-viddhāmamāvāsyāṃ mohādajñānato'pivā | śrāddha-karmaṇi ye kuryu steṣāmāyuḥ prahīyate”—iti || tadaparāhna-vyāpyabhāva-viṣayaṃ draṣṭavyam | aparāhna-vyāpinyāuttaratithergāhyatāmāha hārītaḥ,— “aparāhnaḥ pitṛṇāntu yā 'parāhnānuyāyinī | sā grāhyā pitṛ-kāryye tu na pūrvā'hnānuyāyinī”—iti || ubhayatrāparāhna-vyāpilaṃ dvedhā bhidyate ; ekadeśena, kārtsnena ceti | ekadeśa-vyāptiśca dvedhā bhidyate ; vaiṣamyeṇa, sāmyena ceti | tatra, vaiṣamyeṇaikadeśavyāptau mahattvena nirṇotavyam | tathā ca smṛtiḥ,— “aparāhna-dvaya-vyāpinyamāvāsyā yadā bhavet | tatrālpatva-mahattvābhyāṃ nirṇayaḥ pitṛ-karmaṇi”—iti || mahattyeva grāhyetyabhiprāyaḥ | sa ca śivarāghava-saṃvāde spaṣṭamabhihitaḥ,— “alpā'parāhve tyājyā'mā grāhyā syādyā'dhikā bhavet”—iti || sāmyenaikadeśa-vyāptau kharvādi-śāstreṇa nirṇayaḥ | sāmyenobhayatraikadeśavyāptiśca tattithi-gatairvṛddhi-caya-sāmyaistredhā bhidyate | tathā hi | pūrvedyuraparāhvasya dvitīya-ghaṭikāmārabhya paredyuraparāhvasya pañca-ghaṭikā-paryyantaṃ yadā tithirvarttate, tadā pūrvāparāhvasya prathama-ghaṭikāṃ dvitīyāparāhvasya carama-ghaṭikāṃ vihāya śiṣṭāsu pañcasu varttamānatvātsāmyenaikadeśa-vyāptirbhavati | tithiśca tadā, ghaṭikā-catuṣṭayena varddhate | yadā ca pūrvāparāhvasya caramaghaṭikāyāmuttarāparāhvasya ca prathama-ghaṭikāyāntithivarttate, tadā-