Kalanirnaya (Kalamadhaviya) 3.p60

3.p60

iti smaraṇāt | atra, māsadvaye'pīti saṃkrānti-dvaya- yuktatvāt māsadvayātmake kṣayāparamāse ityarthaḥ | anityamanimittañcetyādinā yāni varjyāni saṃgṛhītāni, teṣu smṛtaya udāhriyante | tatra vṛddhamanuḥ,– “agnyādheyaṃ pratiṣṭhāñca yajña-dāna-vratāni ca | vedavrataṃ† vṛṣotsarga-cūr̤ākaraṇa-mekhalāḥ|| māṅgalyamabhiṣekañca malamāse vivarjayet| bāle vā yadi vā vṛddhe śukre vā'stamupāgate || malamāsadvaitāni varjayeddeva-darśanam”–iti | paiṭhīnasi-jyotiḥparāśarayorapyevameva pāṭhaḥ | kauthumiḥ,– “adhimāse‡ na karttavye śrāddhe saṃvatsarābdike | varṣavṛddhyabhiṣekādi karttavyamadhikena tu|| adhimāse na karttavyaṃ śrāddhamābhyudayaṃ tathā | tathaiva kāmyaṃ yatkarma vatsarāt prathamādṛte || sapiṇḍīkaraṇādūrdhvaṃ yatkiñcicchrāddhikaṃ dvijaiḥ | iṣṭaṃ vā'pyathavā pūrtannanna kuryānmalimluce”–iti | asaṃkrāntaṃ prakṛtya jyotiḥ śāstre,– “tatra dattamattaṃ vā hutaṃ§ na hutameva vā