Kalanirnaya (Kalamadhaviya) 4.p20

4.p20

sā ca pratipattithiryadā sūryodayamārabhya punarudaya-paryyantā bhavati, tadā śuddhatvāt pratipadi vihitaṃ sarvvaṃ niḥśaṅkastatrānuṣṭheyam | śuddhatvaṃ ca nāradīyapurāṇe darśitam,— “ādityodaya-velāyā ārabhya ṣaṣṭināḍikā | tithistu sā hi śuddhā syāt sarvvatithyo'hyayaṃ vidhiḥ”—iti | sūryyasiddhānte'pi,— “sarvāhetāstu tithaya udayādodayaṃ sthitāḥ | śuddhā iti viniśceyāḥ ṣaṣṭirnāḍyo hi vai tithiḥ”—iti | yadā tu, sā pratipat khaṇḍatithiḥ satī pūrvvottarayoraṅgordarśa-dvitīyābhyāṃ yujyate, tadā darśayuktāyāḥ pūjyatvāt tatrānuṣṭheyam | tatpūjyatvaṃ ca paiṭhinasirāha,— “pañcamī saptamī caiva daśamī ca trayodaśī | pratipannavamī caiva kartavyā sammukhī tithiḥ”—iti | sammukhatvaṃ ca skandapurāṇe vivecitam,— “sammukhī nāma sāyāhna-vyāpinī dṛśyate yadā | pratipatsammukhī kāryyā yā bhavedāparāhikī”—iti