Kalanirnaya (Kalamadhaviya) 4.p22
Kālanirṇaya (Kālamādhavīya) 4.p22
- Language
- Sanskrit
4.p22
“laghvakṣara-samā mātrā nimeṣaḥ parikīrttitaḥ | ataḥ sūkṣmataraḥ kālo nopalabdho bhṛgūttama || nopalabhyaṃ yathā dravyaṃ susūkṣmaṃ paramāṇutaḥ | dvau nimeṣau truṭirjñeyā prāṇodaśatruṭiḥ smṛtaḥ || vināḍikā tu ṣaṭ prāṇāste ṣaṣṭirnāḍikā smṛtā | ahorātrantu tat-ṣaṣṭyā nityametatprakīrttitam || triṃśanmuhūrttāśca tathā ahorātreṇa kīrttitāḥ | tatra pañcadaśa proktā rāma, rātrirdivā tathā || uttarāntu yadā kāṣṭhāṃ kramādākramate raviḥ | tadā tadā bhavedvṛddhirdivasasya mahābhuja || divasañca yadā rāma, vṛddhiṃ samadhigacchati | tadāśrita-muhūrtānāṃ tadā vṛddhiḥ prajāyate || dina-vṛddhau rātri-hānistaddhāniśca yathā yathā† | tadāśrita-muhūrtānāṃ hānirjñeyā tathā tathā