Kalanirnaya (Kalamadhaviya) 4.p33

4.p33

rūpeṇa rātri-dvayaṃ kṛtvā, tayoḥ gauṇakālābhyanujñānāya dvedhā vibhāgodarśitaḥ | caturddhā vibhāgastu, prakaraṇabalāt gobhilasūtryukta-karma-viśeṣeṣu draṣṭavyaḥ | pañcadaśadhā vibhāge muhurtta-viśeṣopajīvanena vidhi-niṣedhau jyotiḥśāstre draṣṭavyau | evañca sati, prakṛte pañcakhaṅgobhāgeṣu pañcamaṃ sāyāhnabhāgaṃ vyāpya tataḥ pūrvaṃ caturthamaparāhnabhāgaṃ yā pratipat saṃspṛśati, tādṛśī pūrvaviddhopavāse pūjyā | atra, tithīnāṃ vedhaḥ paiṭhīnasinā darśitaḥ,“pakṣadvaye'pi tithayastithiṃ pūrvāṃ tathottarām | tribhirmuhūrttairvidhyanti sāmānyo'yaṃ vidhiḥ smṛtaḥ”-iti | pūrvedyurudayānantaramamāvāsyā trimuhūrttā cet, sā pratipadaṃ vidhyati | paredyurastamayāt prāk dvitīyā trimuhūrttā cetsā'pi pūrvāṃ pratipadaṃ vidhyati | evamubhayatoviddhayordina-dvaya-varttinyoḥ pratipadormadhye kiṃ pūrvā grāhyā utottarā, -iti vicāryate | tatra, pūrvā yāgrāhyatvaṃ paiṭhīnasiskanda-vyāsā āhuḥ | tadvacanāni pūrvamudāhṛtāni | nigame'pyevamevoktam,“yugmāgniyugabhūtānāṃ ṣaṇmunyorvvasuṃraṃdhrayoḥ | rudreṇa dvādaśī yuktā caturthyā ca pūrṇimā || pratipadyapyamāvāsyā† tithyoryugmaṃ mahāphalam | etadvyastaṃ mahāghoraṃ‡ hanti puṇyaṃ purākṛtam”-iti