Kalanirnaya (Kalamadhaviya) 6.p37

6.p37

atra dvitīyā navadhā bhidyate | pūrvedyurudayamārabhya pravṛttā, udayaṃ parityajya pravṛttā, pūrvāhṇaṃ sarvaṃ parityajya pravṛtteti trayo bhedāḥ; teṣvekaikasya paredyustimuhūrttala-tannyūnala-śūnyatvai strividhe sati militvā nava vidhatvaṃ sampadyate | atra pūrvedyurudayamārabhya pravṛttāyāḥ saṃpūrgatvena paredyurmuhūrttatrayatva-tannyūnatva-śūnyatveṣu triṣvapi pakṣeṣu vivādāviṣayatvāt pūrvacai vopavāsoyuktaḥ| udayaṃ parityajya kiyatpūrvāhna-bhāgaṃ prakramya pravṛttāyāḥ paredyustrimuhūrttāyām, satyapi paradyutopavāsa-sambhave tāṃ parityajya paurvāhnikavacanena pūrvedyurevopavāsovidhīyate | paredyustrimuhūrttanyūnatve śūnyatve ca vedhakāriṇyāstṛtīyāyāḥ satyapi veḍḍuṃ sāmarthya vedhāyādvitīyāyāstrimuhūrttalābhāvena vedhayogyatvābhāvāt tatropavāsona prasaktaḥ| ataḥ pariśeṣāt pūrvāhna-vākyācca pūrvatraivopavāsaḥ | pūrvedyuḥ pūrvāhnaṃ sarvaṃ parityajya pravṛttāyāḥ paredyustrimuhūrttatayobhayatra tithisattvāt kutropavāsaiti sandehe sati vyāsenottara-dina-vidhānāt pūrva-dina-niṣedhāccottaratropavāsaḥ| na cātra śukla-kṛṣṇa-vyavasthā śaṅkanīyā, yugmavākye śukla-kṛṣṇa-pakṣa-sādhāranyena para-dina-vidhānāt kṛṣṇapakṣe'pi tatpravṛttau bādhabhāvācca| anyayostu pakṣayoḥ pūrvavaddvedhānarhatvena pūrvedyuḥ paurvāhnikatvā bhāve'pi pariśeṣādāpastambokta-yugmavākyācca pūrvatraivopavāsaiti sthitam | ekabhaktādi-pārvaṇa-śrāddhānteṣu karmasu dvitīyā-prayuktasya viśeṣasya kacidapyasmaraṇāt pūrvokta-pratipannyāyoyojanīyaḥ