Kalanirnaya (Kalamadhaviya) 7.p10

7.p10

caturthī tu tṛtīyāyāṃ mahāpuṇya-phala-pradā”—iti| tasyāśca vināyaka-vrata-viṣayatvaṃ tatraiva sūcitam,— “karttavyā vratibhirvatsa, gaṇanāya-sutoṣaṇī”—iti | skandapurāṇe'pi,— “vināyaka-vrate kāryā sarvamāseṣu ṣaṇmukha| caturthī tu jayā-yuktā gaṇanāya-sutoṣiṇī”—iti| vināyaka-vratānuṣṭhāne caturthyāmadhyāhna-vyāpitvaṃ mukhyaṃ prayojakam | tadāha bṛhaspatiḥ,— “caturthī gaṇanāyasya mātṛ-viddhā praśasyate | madhyāhna-vyāpinī cetsyāt parataścet pare'hani”—iti | yadā pūrvedyurmadhyāhna-vyāpinī tithirbhavati, tadā mukhya-prayojakasya vidyamānatvāmmātṛ-viddhatva-guṇa-sadbhāvācca sā grāhyā | tādṛśe viṣaye paredyuḥ satyāmapi madhyāhna-vyāpinyāṃ sā tyājyā| ataeva, praśasyate, —ityuktam | paredyureva yadā madhyāhna-vyāpinī, tadā mātṛ-viddhatva-guṇābhāve'pi pradhāna-prayojakānusāreṇa para-viddhaiva grāhyā | tathā ca smṛtyantaram,— “mātṛ-viddhā praśastā syāccaturthī gaṇanāyake | madhyāhne parataścetsyānnāga-viddhā praśasyate”—iti | nanu, bahuṣu vacaneṣu pūrva-viddhāyāgaṇanātha-santoṣa-hetutvamuktam, ataḥ pūrva-viddhatvasyaiva mukhya-prayojakatā yuktā | maivam | madhyāhna-vyāpitvasya‡