Kalanirnaya (Kalamadhaviya) 9.p8

9.p8

vihitāyāṃ pariśeṣādanyeṣāmuttara-viddhā bhavati | teṣāmapyavirodhāt pūrvā-viddhā'stviti cet | na, pratiṣedhāt | tathā ca nigamaḥ,– “nāga-viddhā tu yā ṣaṣṭhī rudra-viddhodivākaraḥ | kāma-viddhobhavedviṣṇurna grāhyāste tu vāsarāḥ”–iti | nāgaḥ pañcamī | rudraḥ ṣaṣṭhī | divākaraḥ saptamī | kāmastrayodaśī | viṣṇurdvādaśī | śivarahasya-saurapurāṇayoḥ,– “nāga-viddhā tu yā ṣaṣṭhī śiva-viddhā tu saptamī | daśamyekādaśī viddhā nopoṣyā tu kathañcana”–iti | tathā, pūrvaviddhā-pratiṣedhaḥ, uttaraviddhā-vidhiścetyubhayaṃ sahaiva skanda purāṇe paṭhyate,– “nāga-viddhā tu karttavyā ṣaṣṭhī ca na kadācana | saptamī-saṃyutā kāryā ṣaṣṭhī dharmārtha-cintakaiḥ”–iti | brahmavaivartte'pi,– “na hi ṣaṣṭhī nāga-viddhā karttavyā tu kadācana | nāga-viddhā tu yā ṣaṣṭhī kṛtā puṇya-kṣayā bhavet || saptamyā saha karttavyā mahāpuṇya-phala-pradā”–iti | puṇyasya kṣayoyasyāṃ, sā puṇya-kṣayā | yadi kadācittithi-kṣayavaśāduttara-viddhā ṣaṣṭhī na labhyate, tadā skandavratavadanyānyapi vratāni nāga-viddhāyāṃ karttavyāni | tadāha vasiṣṭhaḥ,– “ekādaśī tṛtīyā ca ṣaṣṭhī caiva trayodaśī