Nirnayakautuka 2.p19

2.p19

iyaṃ yogaviśeṣabāhulyāt pūrvā parā vā grāhyeti bahavaḥ | kaustubhe tu pāṭhādeva daśatve siddhe punardaśayoga iti kīrttanaṃ kīrttitānāṃ daśānāmeva puṇyakālatvajñāpanā'rtham | iti | ataeva yat kaiściduktaṃ dinadvaye kvapayayogavaddaśamyasattve yatraiva yogabhūyastvaṃ tatraiva snānādi kāryamiti | taccintyam | gaṃgāpūjādau daivakarmaṇi pūrvāhṇasya puṇyakālatvāttadvyāpinyeva daśamī grāhyetyuktam | jyeṣṭhasya3 malatve tatraiva daśaharā kāryaṃ, na tu śuddhe | kṛtyaralanāvalyāṃ tvadhikamāse śuddhe cāpīyaṃ kāryetyuktam | jyeṣṭhaśuklaikādaśī nirjalā | jyeṣṭhapaurṇamāsī4 sāvitrīvrate pūrvaviddhā grāhyā | aṣṭādaśaghaṭikāmitā yadi caturdaśī tadā paraiveti madhāvaḥ | 5nirṇayasindhukālatattvavivecanasmṛtikaustubhādau tvaṣṭādaśanāḍīvedhe'pi pūrvaivetyuktam | idañca vrataṃ trayodaśīmārabhya pūrṇimāntaṃ karttavyam | atra pūrṇimānurodhena yathā'tra saṃgatirbhavati tathā trayodaśyādi grāhyam | idaṃ vratamaviśeṣādavidhavābhirvidhavābhirvā sarvābhistrībhiḥ kāryam | pāraṇaṃ tu paurṇimānte | jyeṣṭhāmāyāmetad vrataṃ kāryamiti nirṇayāmṛte | jyeṣṭhāmāyāmeva bhāvukāpūjanam