Nirnayakautuka 2.p2
Nirṇayakautuka 2.p2
- Language
- Sanskrit
2.p2
tatra caitraśuklapratipadudayavyāpinī grāhyā | 1dinadvaye tadvyāptāvavyāptau vā pūrvā | atra tailābhyaṅgo nityaḥ | caitrasya malatve vatsarārambhaprayuktaṃ karma tatraiva kāryamiti nirṇayasindhukṛtyaratnāvalīvidhānapārijātakārādayaḥ | śuddhe kāryamiti mayūkhe | naimittikaṃ tailābhyaṅgādimale | kāmyaṃ brahmapūjāśāntyādi śuddhe iti kaustubhe | asyāmeva navarātrārambhaḥ | tannirṇayo vakṣyate | caitraśuklatṛtīyāyāṃ śrīrāmacandradolotsavārambhaḥ | sa ca nityaḥ | iyameva gaurīvrate muhūrttamātrāpi parā | śuddhādhikāpyuttareti mādhavaḥ | satyapi vaidhṛtyādiyoge dvitīyāniṣedha eva balavān | tasya viśeṣaviṣayatvāt | iyameva 3saubhāgyaśayanavrate parayutaiva | iyaṃ manvādiḥ | manvādayaścoktāḥ mātsye—