Nirnayakautuka 2.p32

2.p32

asyāmevāparāhṇavyāpinyāṃ bhadrārahitāyāṃ rakṣābandhanaṃ kāryam | dinadvaye tad vyāptau pūrvā | kaustubhamate tvaudayikī | yadā paredyustrimuhūrttaṃ parva, pūrvedyustrimuhūrttacaturdaśyuttaraṃ parva, tadopākarmaṇaḥ paratrānuṣṭhāne'pyaparāhṇakālānurodhena pūrvatraiva rakṣābandhana, bhadrāntena paratra | tailābhyaṅgaścātra kāryaḥ | asyāmeva rātrau śravaṇākarma sarpabaliśca kāryaḥ | tayorastamayayoginīpūrṇimā grāhyā | dinadvaye tad vyāptāvavyāptau vottarā | yājñikāstu parvasandhascoredine rātrau śravaṇākarmānuṣṭhānaṃ vadanti | idaṃ ca karmadvayaṃ samānatantraṃ kāryam | idamabhuktaiva kāryamiti prayogaratne | bhuktvā kāryamiti kecit | śravaṇākarmaṇo mukhyakāle daivādakaraṇe lopaḥ | mukhyakāle'pi sakṛdeva karaṇamiti kecit | anye tvīdṛśapākayajñānāṃ pratyabdamāvṛttiṃ manyante