Nirnayakautuka 2.p35

2.p35

śrāvaṇakṛṣṇaṣaṣṭhī halaṣaṣṭhī | 1 sā saptamīyutā | śrāvaṇakṛṣṇasaptamī śītalāvrate madhyāhnavyāpinī | dinadvaye sattve 2 pūrvā | śrāvaṇakṛṣṇāṣṭamī janmāṣṭamī | sā'rddharātravyāpinī grāhyā | dinadvaye tadvyāptāvavyāptāvaṃśataḥ samavyāptau ca parā | vaiṣamye tvadhikā | rohiṇīyogeneyaṃ caturdhā | pūrvedyureva niśīthe rohiṇīyoge pūrvā | paredyurevobhayedyurahni vā yoge parā | yadā pūrvedyurniśīthe'ṣṭamī paredyuḥ svalpāṣṭamī rohiṇī ca, tadā hemādrimādhavādi-sakalanibandhakāramate parā | mayūkhakāramate pūrvā | 3 nirṇayasindhukāramate tūpavāsadvayam | yadi pare'hna yaṣṭamī niśīthādarvāk pūrve'hni ca niśīthottarapravṛttāṣṭamī rohiṇīyuk tadā parā | ubhayedyurubhayasya niśīthā'sambandhe'pi paraiva | 4 pāraṇaṃ tu divā niśi 5 vobhayānte'nyatarānte vā kuryāt | mahāniśā'vyavahitapūrvakṣaṇa eva mahāniśāyāṃ vaḥ ekatarasyobhayorvāntalābhe tu tatrāpi tat | mayūkhamate tvatra divaiva pāraṇam | aśaktastvanyatarāntasyāpyabhāve