Nirnayakautuka 2.p45

2.p45

atha mahālayaḥ | tatra śrāddhaṃ nityaṃ kāmyaṃ ca | tatrāpi pūrṇaḥ pakṣaḥ śrāddhakālaḥ | pañcamyādi praśastataraḥ | tato'pi daśamyādiḥ | tatrāpi maghānrayodaśī | daridrastu 2śākamātreṇāpyekatrāhni mahālayaśrāddhaṃ kuryāt | tatra pratipadādidarśāntamityasmin pakṣe nandādikaṃ na varjyam | bhādrapadakṛṣṇapakṣe sakalatithiṣvaniṣiddhe ekasminneva dine niṣedhaprayojakayuktāyāmapyamāyāṃ mṛtatithisamānajātīyāyāṃ tithau vā śrāddhaṃ kāryam | tacca nityaṃ kāmyaṃ ca | idaṃ malamāse na kāryam | mātāpitrormaraṇe prathamābde kṛtākṛtam | gurviṇīpatinā piṇḍarahitaṃ kāryam | sanyastapatitapitṛkeṇa jīvatpitṛkeṇā'pi kāryam | sāgnikasya sakṛnmahālayaśrāddhamamāyāmeveti kecit | kṛṣṇapakṣasāmānyaśrāddha eva darśanniyama ityanye | śrāddhāṅgatarpaṇaṃ pakṣaśrāddhe, śrāddhottaraṃ pratyaham | sakṛnmahālaye tu paredyuḥ | idaṃ niṣiddhadine'pi kāryam | idaṃ śrāddhaṃ cānnenaiva kāryaṃ, na tvāmānnādinā | asmin pakṣe śrāddhākaraṇe etadanantaraśuklapañcamīṃ yāvat