Nirnayakautuka 2.p79
Nirṇayakautuka 2.p79
- Language
- Sanskrit
2.p79
kārtikaśukladvitīyā 1yamadvitīyā | sā pūrvadina evā'parāhṇavyāpitve pūrvā | pakṣāntareṣu tu paraiva | aparāhṇaścāṣṭadhāvibhaktadina pañcamabhāga iti smārttaḥ | dvedhāvibhaktadinottara bhāga iti kṛtyaratnāvalīkārāḥ | madhyāhnavyāpinī pūrvaviddhā ceti tu hemādriḥ | nirṇayamṛte'pi pūrvaviddhaiva | asyāṃ tithau svagṛhe na bhoktavyam | bhaginīhastād bhojanamāvaśyakam | bhaginyabhāve sānnidhyābhāve ca kalpitabhaginīhastād bhojanamiti hemādriḥ | atraiva śuklacaturthī nāgavrate madhyāhnagā | kārtikaśuklanavamyakṣayanavamītyucyate | asyāmeva viṣṇutrirātrārambhaṃ kṛtvā tulasīvivāhaḥ kāryaḥ