Nirnayakautuka 2.p83
Nirṇayakautuka 2.p83
- Language
- Sanskrit
2.p83
mārgaśīrṣādimāsacatuṣṭayakṛṣṇāṣṭamīṣvaṣṭakāśrāddham | tatpūrvasaptamīṣu pūrvedyuḥ śrāddham | taduttaranavamīṣu cānvaṣṭakāśrāddham | bhādrakṛṣṇe'pi kvaciduktā | aśaktasya māghakṛṣṇāṣṭamī | tatrāpi pūrvedyuranvaṣṭakayorasambhave'ṣṭakāmātramapi | mārgādikṛṣṇapakṣāṇāmevāmāvāsyā api catasro'ṣṭakāḥ | śākhābhedād vyavasthā | atrāṣṭamyaparāhṇavyāpinī | pūrvedyuranvaṣṭakayorapyaṣṭamyanurodhena nirṇayaḥ | mārgādiṣu malamāsapāte tatrāṣṭakā na kāryā | iti mārgaśīrṣaḥ