Nirnayakautuka 2.p85

2.p85

caturdaśyāṃ yamatarpaṇam | pauṣapaurṇamāsyuttarā māghaśuklapratipat pūrvatanāmārkaśravaṇavyatīpātairyuktā'rdhodaya iti tristhalīsetau bhaṭṭāḥ | pauṣamāghamāsāmāvāsyādvayamapi tathā yogavadardhodaya iti madanaratne | smṛtikaustubhakṛtā tu śuklādimāsena māghakṛtyamadhye'māvāsyāyāmardhodayakṛtyamuktam | tataśca śivarātryuttarāmāvāsyeti tadāśayo bhāti | viśeṣanirṇayasyākaraṇāt | vastutastu - "māghāmāyāṃ vyatīpāta āditye viṣṇudaivate |" arddhodayaṃ tadityāhuri" ti hemādrimadanaratnadhṛta skāndavacane spaṣṭaṃ māghāmā pratīyate | sā ca śuklādimāsena śivarātryuttarāmā tathā"amārkapātaśravaṇeryuktā cet puṣyamāghayoḥ | arddhodayassa vijñeya" iti mahābhāratoyanirṇayāmamṛtadhṛtavacane puṣyamāghayoriti śravaṇāt puṣyamāghayormadhyatanā pauṣapaurṇamāsyuttaraivāmā grāhyeti śrīmadbhaṭṭacaraṇoktameva sādhu | na ca madanaratnābhiprāyeṇātra dvandvasamāso yuktaḥ | kevala māghāmāpratipādakavākyāntaravat puṣyāmāpratipādakavākyāntarābhāve svatantrapuṣyāmāpratipādakasmṛtimūlabhūtasvatantraśrutikalpanāpekṣayā lāghavāt pūrvoktasamāsāśrayeṇa māghāmāyā eva tatkālakalpanaucityāt | etadagre ca divaiva yogaḥ