Nirnayakautuka 2.p94

2.p94

māghakṛṣṇacaturdaśī śivarātriḥ | sā dvitīyayāmāntya tṛtīyayāmād ghaṭīdvayarūpaniśīthavyāpinī | 1mādhavamate tu pradoṣaniśīthobhayavyāpinī | nirṇayāmṛtamate tu pradoṣavyāpinyeva | dinadvaye niśīthavyāptau pūrveti hemādrimadanaratnau gauḍāśca | pareti mādhavamayūkhatithyarka nirṇayasindhukārādayaḥ | yadā tu paradine svalpārdharātravyāptiḥ pūrvadine ca sampūrṇā tadā pūrvaiva | yadā pūrvedyurniśīthe paredyuśca pradoṣe tadā pūrvaiva | nirṇayāmṛtamate parā | dinadvaye niśī0 vyāptau paraiva | pāraṇaṃ tu tithimadhye eveti 4nirṇayasindhau | madanaratnamate tu divātithisamāptau tithyante'nyathā tanmadhya eva | vivecanamate tu śaktāstithyante'śaktastu tithimadhya eva | mādhavastu yāmatrayādarvāk samāptau tithyante tadūrdhvagatve tu prātastithimadhya evetyāha | 5dīpikāyāṃ tu vratatitherante niśīthe'pi vā'śnīyādityaktam | yadā tu pāraṇadine svalpā caturdaśī tadā jalapāraṇaṃ kṛtvā'mā śrāddhaṃ kāryam | māsaśivarātristu bahurātravyāpinī | sāmye pūrvā | nirṇayasindhukaustubhamadanaratnamayūkhādau tu pradoṣaniśīthobhayavyāptāvasyānte nirṇayaḥ kṛtaḥ