Nirnayakautuka 2.p96

2.p96

atha phālgunaḥ phālgunaśuklāṣṭamī bahulāṣṭamī | sā pradoṣavyāpinī | dinadvaye sattve'sattve vā paraiva | phālgunīpauṇimā holikā | sā pradoṣavyāpinī bhadrārahitā grāhyā | nirṇayāmṛtamate tu sāyāhnavyāpinī | dinadvaye pradoṣavyāptau parā | yadā tu pūrvadine pradoṣe bhadrā, paradine cāstāt pūrvameva pañcadaśī samāpyate, tadā pūrvedyureva rātrau sūryodayāt pūrvaṃ bhadrāntaṃ pratīkṣya holikā dīpanīyā | yadā tu pūrvatrapradoṣavyāptyabhāvastat sattve vā bhadrārahitaḥ kālaḥ sūryodayāt pūrvaṃ na labhyate, uttaradine ca sūryāstāt pūrvameva pūrṇimā samāptā, tadā 'bhadrāpucche pūrvadine holikādīpanaṃ kāryam