Nirnayasindhu 11.p1

11.p1

aparāhnikamupākarmetyanvayaḥ | anyastu viśeṣaḥ pūrvamevoktaḥ | prayogapārijāte
gobhilaḥ
“upākarmotsarjanaṃ ca vanasthānāmapīṣyate | dhāraṇādhyayanāṅgatvādṛhiṇāṃ brahmacāriṇām
utsarjanaṃ ca vedānāmupākaraṇakarma ca | akṛtvāvedajapyena phalaṃ nāpnoti mānavaḥ ||”
sarvathā lope tu kṛcchra upavāsaśca | 'vedoditānāṃ nityānām' iti manunā bhojanokteḥ
evamutsargepi
utsarjananirṇayaḥ
atha prasaṅgādatraivotsarjanamucyate | tacca pauṣamāse rohiṇyāṃ tatkṛṣṇāṣṭamyāṃ vā kāryam
“pauṣamāsasya rohiṇyāmaṣṭakāyāmathāpi vā | jalānte chandasāṃ kuryādutsargaṃ vidhivadbahiḥ”