Nirnayasindhu 12.2-4

12.2-4

idaṃ pratimāsakṛṣṇāṣṭamyāmapyuktaṃ madanaratne vahnipurāṇe-"pratimāsaṃ ca te pūjāmaṣṭamyāṃ yaḥ kariṣyati | mama caivākhilān kāmān sa samprāpsyatyasaṃśayam ||" tathā-"anena vidhinā
yastu pratimāsaṃ nareśvara | karoti vatsaraṃ pūrṇaṃ yāvadāgamanaṃ hareḥ || dadyācchayyāṃ susaṃpūrṇāṃ
gobhī ratnairalaṃkṛtām || iti janmāṣṭamīvratam
kuśagrahaṇam
bhādrāma़āvāsyāyāṃ kuśagrahaṇamuktaṃ hemādrau hārīte ca-“māse nabhasyamāvāsyā tasyāṃ darbhoñcayo mataḥ | ayātayāmāste darbhā viniyojyāḥ punaḥpunaḥ ” || nabhāḥ śrāvaṇaḥ | tena
darśāntamāse janmāṣṭamīyanantaraṃ darśo labhyate | madanaratne tu-‘ māse nabhasye'māvāsyā
tasyāṃ darbhoccayo mataḥ’ iti marīcivākyamuktam || nabhasyo bhādrapadaḥ | tena mahālayāntargatadarśo labhyate | atra gauṇamukhyacāndrābhyāmeka eva darśa ityanye
haritālikāvratam
bhādrapadaśuklatṛtīyāyāṃ haritālikāvratam | tatra parā grāhyā-“ muhūrtamātrasattvepi dine gaurīvrataṃ pare | śuddhādhikāyāmapyevaṃ gaṇayogapraśaṃsanāt” iti mādhavokteḥ | caturthīyuktāyāṃ
phalādhikyaṃ mādhavīye āpastambaḥ-“ caturthīsahitā yā tu sā tṛtīyā phalapradā | avaidhavyakarā strīṇāṃ putrapautrapravardhinī” | dvitīyāyoge pratyavāyamāha sa eva-“ dvitīyāśeṣasaṃyuktāṃ yā karoti vimohitā | sā vaidhavyamavāpnoti pravadanti manīṣiṇaḥ ” iti
“ādyā madhuśrāvaṇikā kajjalī haritālikā | caturthīmiśritā strībhirdivānakte vidhīyate || tṛtīyā nabhasaḥ śuklā madhuśrāvaṇikā smṛtā | bhādrasya kajjalī kṛṣṇā śuklā ca
haritālikā ”