Nirnayasindhu 14.2-4

14.2-4

iti
māghyāvarṣasaṃjñāśrāddhanirṇayaḥ
aṣṭamyāmāśvalāyanena maghāvarṣasaṃjñaṃ śrāddhamuktam | etena māghyāvarṣaṃ prauṣṭhapadyā aparapakṣe
iti | idaṃ saptamyādiṣu triṣvahaḥsu kāryamiti nārāyaṇavṛttiḥ haradattastu maghāyuktavarṣāsu
bhavaṃ trayodaśīśrāddhamiti vyācakhyau || pṛthvīcandrodaye brāhme-“āṣāḍhyāḥ pañcame pakṣe
gayā mādhrāṣṭramī smṛtā | trayodaśī gajacchāyā gayātulyā tu paitṛke ||”
mahālakṣmīvratanirṇayaḥ
āśvinakṛṣṇāṣṭamyāṃ mahālakṣmīvratam | tatra nirṇayāmṛte purāṇasamuccaye-“śriyorcanaṃ
bhādrapade'sitāṣṭamīṃ prārabhya kanyāmagate ca sūrye | samāpayettatra tithau ca yāvatsūryastu
pūrvārddhagato yuvatyā” iti || tatraiva-“kanyāgate'rke prārabhya kartavyaṃ na śriyorcanam | hastaprāntadalasthe'rke tadvrataṃ na samāpayet || pūjanīyā gṛhasthānāmaṣṭamī prāvṛṣi śriyaḥ | doṣaiścaturbhiḥ saṃyuktā sarvasaṃpatkarī tithiḥ”