Nirnayasindhu 16.3

16.3

sa ca jayantīmantreṇa navākṣareṇa kāryaḥ | taduktaṃ durgābhaktitaraṅgiṇyāṃ devīpurāṇe- 'kuryāddevyāstu mantreṇa pūjāṃ kṣīraghṛtādibhiḥ' ityuktvā- "jayantī maṅgalā kālī bhadrakālī
kapālinī | durgā kṣamā śivā dhātrī svāhā svadhā namostute || anenaiva tu mantreṇa japahomau tu kārayet" iti || "oṃ durge durge rakṣiṇi svāhā' iti navākṣaraḥ | tatra pratipadi
prātarabhyaṅgaṃ kṛtvā | deśakālau saṅkīrtya mameha janmani durgāprītidvārā sarvāpacchāntipūrvakadīrghāyurvipuladhanaputrapautrādyanavacchinnasantativṛddhisithara lakṣmī kīrtilābhaśatruparājayasadbhīṣṭasiddhayarthaṃ śāradanavarātrapratipadi vihitakalaśasthāpanadurgāpūjākumārīpūjādi
kariṣye" iti saṅkalpya
mahīdyauḥ-iti bhūmiṃ spṛṣṭvā | 'oṣadhayaḥ sam' iti yavānnikṣipya | 'ākalaśeṣu'
iti kumbhaṃ saṃsthāpya | 'imaṃ me gaṅge' iti jalenāpūrya- 'gandhadvārā m' iti gandham,‘yā oṣadhiḥ’ iti sarvauṣadhīḥ- ‘kāṇḍāt kāṇḍāt’ iti dūrvāḥ, ‘aśvatthe’ iti
pañcapallavān, ‘syonā pṛthivi’ iti saptamṛdaḥ, ‘yāḥ phalinīḥ’ iti phalaṃ, ‘sahi ratnāni’
iti pañca ratnāni, hiraṇyaṃ kṣiptvā | ‘yuvā suvāsāḥ’ iti vastreṇāveṣṭya | ‘pūrṇādarvvi’
iti pūrṇapātraṃ nidhāya-tatra varuṇaṃ sampūjya, jīrṇāyāṃ nūtanāyāṃ vā pratimāyāṃ durgāmāvāhya
pūjayet || tadyathā | pūrvoktaṃ mantramuktvā-“āgaccha varade devi daityadarpaniṣūdani | pūjāṃ
gṛhāṇa sumukhi namaste śaṃkarapriye || sarvatīrthamayaṃ vāri sarvadevasamanvitam | imaṃ ghaṭaṃ
samāgaccha tiṣṭha devagaṇaiḥ saha || durge devi samāgaccha sānnidhyamiha kalpaya | baliṃ pūjāṃ
gṛhāṇa tvamaṣṭābhiḥ śaktibhiḥ saha ”