Nirnayasindhu 18.2
Nirṇayasindhu 18.2
- Language
- Sanskrit
18.2
āśvinaśuklapakṣe mūlanakṣatre sarasvatīsthāpanam | yathoktaṃ nirṇayāmṛte devīpurāṇe-“mūleṣu
sthāpanaṃ devyāḥ pūrvāṣāḍhāsu pūjanam | uttarāsu baliṃ dadyācchravaṇena visarjayet” iti
rudrayāmalepi-“mūlaṛkṣe surārdhīśa pūjanīyā sarasvatī | pūjayetpratyahaṃ deva yāvadvaiṣṇavamṛkṣakam || nādhyāpayenna ca likhennādhīyīta kadācana | pustake sthāpite deva vidyākāmo
dvijottamaḥ”
18.2.p1
saṃgrahe - “āśvinasya site pakṣe medhākāmaḥ sarasvatīm | mūlenāvāhayeddevīṃ śravaṇena visarjayet” mūlasyādyapāde āvāhanamiti śiṣṭāḥ || śravaṇādyapāde ca
visarjayet | “ādibhāgo niśāyāṃ tu śravaṇasya yadā bhavet | sampreṣaṇaṃ tadā devyā
daśamyāṃ ca mahotsavaḥ” || iti cintāmaṇau brahmāṇḍapurāṇāt
Linked texts (1)
- Jayasīṃhakalpadruma — Ratnākara 1688, Sanskrit