Nirnayasindhu 2.5

2.5

” “agniśca yoniranilaśca dehe retodhā viṣṇuramitasya nābhiḥ | etadvacanpāṇḍava
satyavākyaṃ tato'vagāheta patiṃ nadīnām” iti bhārasoktamantrān paṭhitvā vidhivatsnātvā
“sarvaratno bhavāñ śrīmān sarvaratnākaśe yataḥ | sarvaratnapradhānastvaṃ gṛhāṇārghyaṃ mahodadhe ||”
ityarghyaṃ dattvā tarpayet || yathoktaṃ pṛthvīcandrodaye skānde- 'pippalādaṃ vikṛṇvaṃ ca kṛtāntaṃ
jīvikeśvaram | vasiṣṭhaṃ vāmadevaṃ ca parāśaramumāpatim || vālmīkiṃ nāradaṃ caiva vālakhilyāṃstathaiva ca | nalaṃ nīlaṃ gavākṣaṃ ca gavayaṃ gandhamādanam || jāmbavantaṃ hanūmantaṃ sugrīvaṃ cāṅgadaṃ
tathā | maindaṃ ca dvividaṃ caiva ṛṣabhaṃ śarabhaṃ tathā || rāmaṃ ca lakṣmaṇaṃ caiva sītāṃ caiva yaśasvinīm | etāṃstu tarpayedvidvāñjalamadhye viśeṣataḥ || ābrahmastambaparyantaṃ yatkiñcitsacarācaram
mayā dattena toyena tṛptimevābhigacchatu