Nirnayasindhu 23.1-2

23.1-2

atrāyaṃ nirgalitorthaḥ || aparāhno mukhyaḥ
karmakālaḥ || tatraiva pūjādyukteḥ || pradoṣo gauṇaḥ || tatra dinadvaye'parāhnavyāpitve pūrvā pradoṣavyāpterādhikyāt || dinadvaye pradoṣavyāpitve parā | aparāhnavyāpterādhikyāt || idaṃ
śuddhatithau anyakāle śravaṇastu rohiṇīvadaprayojakaḥ | dinadvaye'parāhṇasparśe tu pūrvā
tatrāpi paradine'parāhṇe śravaṇasattve paraiveti dik
tatra viśeṣaḥ
atra viśeṣo bhārgavārcanadīpikāyāṃ bhaviṣye - “śamīyuktaṃ jagannāthaṃ bhaktānāmabhayaṅkaram
arcayitvā śamīvṛkṣamarcayecca tataḥ punaḥ ||” śamīmantrastu hemādrau gopathabrāhmaṇe - “amaṅgalānāṃ śamanīṃ śamanīṃ duṣkṛtasya ca | duḥsvapnanāśinīṃ dhanyāṃ prapadyehaṃ śamīṃ śubhām||” tathā
bhaviṣye-“śamī śamayate pāpaṃ śamī lohitakaṇṭakā | dhāriṇyarjunabāṇānāṃ rāmasya priyavādinī