Nirnayasindhu 24.3-2

24.3-2

ityādi kāśīkhaṇḍokteḥ || bhānujo yamaḥ | idaṃ ca prātaḥsnānaṃ saṃdhyāṃ ca kṛtvā kāryam
tena vinetarakarmānadhikārāditi vardhamānaḥ | yadyapi prātaḥsaṃdhyāyāḥ sūryodaye samāptiḥ
tathāpi vacanabalādanuditahomavadbhaviṣyati
tatrasnānādimantrāḥ
snānamantraśca tatraiva-“kārttike'haṃ kariṣyāmi prātaḥsnānaṃ janārdana | prītyarthaṃ tava deveśa
dāmodara mayā saha || imaṃ mantraṃ samuccārya maunī snāyādvratī naraḥ” iti || arghyamantropi
tatraiva-“vratinaḥ kārttike māsi snātasya vidhivanmamaṃ | gṛhāṇārghyaṃ mayā dattaṃ danujeṃdraniṣūdana || nityanaimittike kṛṣṇa kārttike pāpanāśane | gṛhāṇārghyaṃ mayā dattaṃ rādhayā
sahito hare || imau mantrau samuccārya yo'rghyaṃ mahyaṃ prayacchati | suvarṇaratnapuṣpāṃbupūrṇaśaṃkhena
puṇyavān || suvarṇapūrṇā pṛthivī tena dattā na saṃśayaḥ”