Nirnayasindhu 24.3-3

24.3-3

skānde kārttikamāhātmye-“ mālatīmālayā viṣṇuḥ ketakyā
caiva pūjitaḥ | samāsasahasraṃ suprīto bhavettu madhusūdanaḥ || ” pṛthvīcandrodaye pādme“kārttike nārcito yaistu kamalaiḥ kamalekṣaṇaḥ| janmakoṭiṣu viprendra na teṣāṃ kamalā gṛhe ||”
tathā-“kārtike keśave pūjā yeṣāṃ nāmnā sutaiḥ kṛtāḥ | te nirbhartsya rakheḥ putraṃ vasanti
tridive sadā || tulasīdalalakṣeṇa kārttike yorcayeddharim | patre patre muniśreṣṭha mauktikaṃ
labhate phalam ||”
tathā skānde kārttikamāhātmye-“dhātrīcchāyā tu yaḥ kuryātpiṇḍadānaṃ mahā mune | muktiṃ
prayānti pitaraḥ prasādānmādhavasya tu || dhātrīphalaviliptāṃgo dhātrīphalavibhūṣitaḥ
dhātrīphalakṛtāhāro naro nārāyaṇo bhavet || dhātrīcchāyāṃ samāśritya yorcayeccakradhāriṇam | puṣpepuṣpe'śvamedhasya phalaṃ prāpnoti mānavaḥ”