Nirnayasindhu 25.2-2

25.2-2

iti
yamadvitīyānirṇayaḥ
yamadvitīyā tu pratipadyutā grāhyetyuktaṃ nirṇayāmṛtādau | yamadvitīyā madhyāhnavyāpinī pūrvaviddhā ceti hemādriḥ || atra viśeṣo hemādrau skānde-“ūrjaśukladvitīyāyāmaparāhne'rcayedyamam | snānaṃ kṛtvā bhānujāyāṃ yamalokaṃ na paśyati” || iti “ūrje śukladvitīyāyāṃ
pūjitastarpito yamaḥ | veṣṭitaḥ kinnarairhṛṣṭaistasmai yacchati vāṃchitam ||” yathā bhaviṣye-“prathamā śrāvaṇa māsi tathā bhādrapadetarā | tṛtīyāśvayuje māsi caturthī kārttike bhavet
śrāvaṇe kaluṣā nāma tathā bhādre ca gīrmalā| āśvine pretasaṃcārā kārttike yāmyakā matā”