Nirnayasindhu 26.4-2

26.4-2

" tathā-"tilasnāyī tilodvartī tilahomī
tilodakī | tilabhuk tiladātā ca ṣaṭ tilāḥ pāpanāśanāḥ " iti || prayāgāsaṃbhave
kāśyāṃ daśāśvamedhottarasthaprayāgatīrthe snānamuktaṃ kāśīkhaṇḍe-"kāśyudbhave prayāge ye tapasi
snānti mānavāḥ | daśāśvamedhajanitaṃ phalaṃ teṣāṃ bhaveddhruvam" iti || snānottaraṃ madanapārijāte viṣṇuḥ- "kāṣṭhamaunānnamaskṛtya pūjayetpuruṣottamam || avaśyameva kartavyaṃ māghasnānamiti śrutiḥ ||"
bhaviṣye-“tailamāmalakāścaiva tīrthe deyāstu nityaśaḥ | tataḥ prajvālayedvahniṃ sevanārthaṃ
dvijanmanām || evaṃ snānāvasāne tu bhojyaṃ deyamavāritam | bhojayedvijadāmpatyaṃ bhūṣayedvastrabhūṣaṇaiḥ || kambalājinaratnāni vāsāṃsi vividhāni ca | colakāni ca deyāni
pracchādanapaṭāstathā || upānahau tathā guptamocakau pāpamocakau | anena vidhinā dadyānmādhavaḥ prīyatāmiti”