Nirnayasindhu 29.2-6

29.2-6

” abhuktamūlaṃ tvāha
vṛddhavasiṣṭhaḥ-“jyeṣṭhānte ghaṭikā caikā mūlādau ghaṭikādvayam | abhuktamūlamityāhustatra
jātaṃ śiśuṃ tyajet ||” kecittveṣṭhāntyamūlādyaṃ ca pādamabhuktamūlamāhuḥ || kaśyapasaṃhitāyāṃ tvanyathoktaṃ- “mūlādyapādajo hanti pitaraṃ tu dvitīyajaḥ | mātaraṃ svaṃ tṛtīyārthānsuhṛdaṃ tatturoyajaḥ || phalaṃ tadeva sārparkṣe pratīpaṃ tvantyapādataḥ ||”
mūlavṛkṣanirṇayaḥ
atha mūlavṛkṣaḥ || jayārṇave-“mūlaṃ staṃbhaṃ tvacā śākhā patraṃ puṣpaṃ phalaṃ śikhā | vedāśva
munayaścaiva diśaśca vasavastathā || nandā bāṇā rasā rudrā mūlabhedaḥ prakīrtitaḥ | mūle mūlavināśāya stambhe hānirdhanakṣayaḥ || tvaci bhrātṛvināśāya śākhā mātṛvināśakṛt | patre
saparivāraḥ syātpuṣpeṣu nṛpavallabhaḥ || phaleṣu labhate rājyaṃ śikhāyāmalpajīvitam ||4||”
anyatra tvanyathoktam- “mūle saptaghaṭīṣu mūlahananaṃ stambheṣvaṣṭasu svakṣayaṃ tvagdigvandhavināśanaṃ
ca viṭape rudrairhato mātulaḥ | patrekaiḥ sukṛtī tu bāṇakusume maṃtrī phale sāgare rājā vahniśikhālpamāyuriti sanmūlāṅghripe syātphalam ||”
bhūpālavallabhaḥ-“vṛṣālisiṃheṣu ghaṭe ca mūlaṃ divi sthitaṃ yugmatulāṅganāntye | pātālaṃgaṃ
meṣadhanuḥkulīranakeṣu martye'śvināti saṃsmaranti || svarge mūle bhavedrājyaṃ pātāle ceddhanāgamaḥ
martyaloke yadā mūlaṃ tadā śūnyaṃ samādiśet ||”
vasiṣṭhaḥ-“nairṛtyabhodbhūtasutaḥ sutā vā kṣiprādavaśyaṃ śvaśuraṃ nihanti | tadantyapāde janito
nihanti tasyotkrameṇābhibhave kalatram || sureśāptārājanitā dhavāgrajaṃ dvidaivatārājanitā tuṃ
devaram | purandararkṣe janitaḥ sutastathā svasyāgrajaṃ hanti na putrikā yadi