Nirnayasindhu 30.2

30.2

”
gargaḥ-“kṛṣṇāṃ caturdaśīṃ ṣoḍhā kuryādādau śubhaṃ smṛtam | dvitīye pitaraṃ hanti tṛtīye hanti
mātaram || caturthe mātulaṃ hanti paṃcame vaṃśanāśanam | ṣaṣṭhe tu dhananāśaḥ syādātmano vaṃśanāśanam || tasmātsarvaprayatnena śānti kuryādvidhānataḥ ||”
atha pitrornakṣatre janmadoṣaḥ
tatra devakīrttiḥ-“yadyekasmin dhiṣṇye jāyante duhitaro'thavā putrāḥ | piturantakarā hyete
yadyapare prītiratulyā syāt || ” gargaḥ-“ ekasminneva nakṣatre bhrātrorvā pitṛputrayoḥ | prasūtiśca tayormṛtyurbhavedekasya niścitam ||” śaunakaḥ-“grahaṇe candrasūryyasya prasūtiryadi jāyate
vyādhipīḍā tadā strīṇāmādau tu ṛtudarśanāt || itthaṃ saṃjāyate yasya tasya mṛtyurna
saṃśayaḥ || ”
śāntistu-“tadṛkṣādhipate rūpaṃ suvarṇena prakalpayet | sūryagrahe sūryarūpaṃ haimaṃ candraṃ tu rājatam
rāhurūpaṃ prakurvīta nāgenaiva vicakṣaṇaḥ | (nāgaḥ-sīsaṃ ) trayāṇāṃ caivaṃ rūpāṇāṃ
sthāpanaṃ tatra kārayet