Nirnayasindhu 31.11

31.11

”
trikaśāṃtiḥ
atha trikaśāntiḥ śāntisarvasve-“sutatraye sutā cetsyāttatraye vā suto yadi | mātāpitroḥ kulasyāpi tadāmiṣṭaṃ mahadbhavet || jyeṣṭhanāśo dhane hānirduḥkhaṃ vā sumahadbhavet
tatra śāntiṃ prakurvīta vittaśāṭhyavivarjitaḥ || jātasyaikādaśāhe vā dvādaśāhe śubhe dine
ācāryamṛtvijo vṛtvā grahayajñapuraḥsaram || brahmaviṣṇumaheśendrapratimāḥ svarṇataḥ kṛtāḥ
pūjayeddhānyarāśisthāḥ kalaśopari śaktitaḥ || paścame kalaśe rudraṃ pūjayedrudrasaṃkhyayā | rudrasūktāni catvāri śāntisūktāni sarvaśaḥ || dvija eko japeddhomakāle śucisamāhitaḥ
ācāryo juhuyāttatra samidājyatilāṃścarum || aṣṭottarasahasraṃ vā śataṃ vā triśataṃ tu vā
devatābhyaścaturvakrādibhyo grahapuraḥsaram || brahmādimantrairindrasya yata indra bhayāmahai | tataḥ
sviṣṭakṛtaṃ hutvā baliṃ pūrṇāhutiṃ tataḥ || abhiṣekaṃ kuṭumbasya kṛtvācāryaṃ prapūjayet
hiraṇyaṃ dhenumekāṃ ca ṛtvijāṃ dakṣiṇā tataḥ || ājyasya vīkṣaṇaṃ kṛtvā śāntipāṭhaṃ
tu kārayet | pratimāṃ gurave dattvā upaskārasamanvitaḥ || brāhmaṇānbhojayecchaktyā dīnānāthāṃśca tarpayet | evaṃ śāntividhānena sarvāriṣṭaṃ pralīyate