Nirnayasindhu 36.2
Nirṇayasindhu 36.2
- Language
- Sanskrit
36.2
iti smṛtyarthasārādyukteravivāha eva tayoriti pravaramañjaryāṃ yadyapīdamuktaṃ tathāpi bhṛgvaṅgirogaṇeṣu
bhavatyeva || tathā vahvṛcapariśiṣṭe baudhāyanaḥ-“eka eva ṛṣiyāvatpravareṣvanuvartate | tāvatsamānagotratvamṛte bhṛgvaṅgirogaṇāt ||” mādhavīye smṛtyantare - "pañcānāṃ tu trisāmānyādvivāhastriṣu dvayoḥ || bhṛgvaṅgirogaṇeṣvevaṃ śeṣeṣvekopi vārayet || iti deśācārācca || sopyābhīradeśe prasiddhaḥ
caturviṃśatimate - "yastu deśānurūpeṇa kulamārgeṇa codvahet || nityaṃ sa vyavahāryaḥ syādvedāccaitatpradṛśyate” iti dik || tathā ca bhṛguḥ- “yasmindeśe pure grāme traividye nagaropi vā
yo yatra vihito dharmastaṃ dharmaṃ na vicālayet” iti || punaścaturviṃśatimate - "yasmin deśe
ya ācāraḥ pāramparyakramāgataḥ | varṇānāṃ kila sarveṣāṃ sadācāraḥ sa ucyate ||” svagotrāyajñāne satyāṣāḍhaḥ- 'athājñātabandhvo purohitapravareṇācāryapravareṇa veti ||' "ācāryagotrapravarānabhijñastu dvijaḥ svayam | dattvātmānaṃ tu kasmaicittadgotrapravaro bhavet || yadvā
svagotrapravaravidhuro jamadagnijaḥ | vivāhaṃ ca na tenaiva gotreṇa tu samācaret
36.2.p1
”
iti kaścit || divodāsīyepi - 'svagotrapravarājñāne jamadagnimupāśrayet ||'
Linked texts (1)
- Hiraṇyakeśiśrautasūtra — Hiraṇyakeśin, Sanskrit