Nirnayasindhu 40.p1

40.p1

mādhavīye-“prārambhāt prāgvivāhasya mātā yadi rajasvalā | nivṛttistasya kartavyā sahasraśruticodanāt ||” ārambhāt nāndīśrāddhāt | ‘nāndīmukhaṃ vivāhādau' ityādinā tasyaiva
prārambhokteḥ || medhātithiḥ-caule ca vratabandhe ca vivāhe yajñakarmaṇi | bhāryā rajasvalā
yasya prāyastasya na śobhanam || vadhūvarānyatamayorjananī cedrajasvalā | tasyāḥ śuddheḥ paraṃ
kāryaṃ māṅgalyaṃ manurabravīt || 2||” vṛddhamanuḥ-“vivāhavratacūr̤āsu mātā yadi rajasvalā
tadā na maṅgalaṃ kāryaṃ śuddhau kāryaṃ śubhepsubhiḥ ||” gargaḥ-“yasyodvāhādimāṅgalye mātā
yadi rajasvalā | tadā na tatprakarttavyamāyuḥ kṣayakaraṃ yataḥ ||”
nāndīśrāddhottaraṃ rajodoṣe tu kapardikārikāsu-“sūtikodakyayoḥ śuddhayai gāṃ dadyāddhomapūrvakam | haimaṃ māṣamitāṃ padmā śrīsūktavidhinā'rcayet || pratyṛcaṃ pāyasaṃ hutvā abhiṣekaṃ
samācaret” iti sūtakādisaṃkaṭe tu-“kūṣmāṇḍībhirdhṛtaṃ hutvā payasvinīṃ gāṃ ca dattvā
vivāhādi kuryāt” iti ca prāguktam