Nirnayasindhu 41.2-9

41.2-9

” manuḥ- “adhivinnā tu yā nārī nirgacchedroṣitā
gṛhāt | sā sadyaḥ saṃniroddhavyā tyājyā vā kulasannidhau” iti || hemādrau kātyāyanaḥ“agniśuśrūṣāṃ bahubhāryaḥ savarṇāyā | kārayettadbahutvaṃ cejjyeṣṭhayā garhitā na cet”
iti || yājñavalkyaḥ--“satyāmanyāṃ savarṇāyāṃ dharmakāryaṃ na kārayet | savarṇāsu vidhau
dharmye jyeṣṭhayā na vinetarā ||”
dvitīyavivāhahome agninirṇayaḥ
dvitīyavivāhahome'gnimāha kātyāyanaḥ--“sadāro'nyānapunardārānudvoḍhuṃ kāraṇāntarāt| yadīcchedagnimānkartuṃ ka homo'sya vidhīyate || svegnāveva bhaveddhomo laukike na kadācana ||”
trikāṇḍamaṇḍanopi--“ādyāyāṃ vidyamānāyāṃ dvitīyāmudvahedyadi | tadā vaivāhikaṃ karma
kuryādāvasathegnimān ||” sudarśanabhāṣye tu--“dvitīyavivāhahomo laukika eva na pūrvopāsane' ityuktam || idaṃ cāsaṃbhave tatra cāgnidvayasaṃsargaḥ kāryaḥ
tadāha śaunakaḥ-“ athāgnyorgṛhyayogaṃ sapatnībhedajātayoḥ | sahādhikārasiddhyarthamahaṃ
vakṣyāmi śaunakaḥ || arogāmudvahetkanyāṃ dharmalopabhayātsvayam | kṛte tatra vivāhe ca
vratānte tu parehani || pṛthaksthaṇḍilayoragniṃ samādhāya yathāvidhi | tatra kṛtvājyabhāgāntamanvādhānādikaṃ tataḥ || juhuyātpūrvapatnyagnau tayānavārabdha āhutiḥ | agnimīḷepurohitaṃ sūktena navarcena tu || samidhyainaṃ samāropya ayaṃ te yonirityṛcā | pratyavarohetyanayā kaniṣṭhāgnau nidhāya tam || ājyabhāgāntataṃtrādikṛtvārabhya tadāditaḥ | samanvārabdhṛ
etābhyāṃ patnībhyāṃ juhuyādghṛtam || caturgṛhītametābhirṛgbhiḥ ṣaḍbhiryathākramam | athāvamiśraratītyagnināgniḥ samidhyate || astīdamiti tisṛbhiḥ pāhi no agna ekayā | tataḥ
sviṣṭakṛdārabhya homaśeṣaṃ samāpayet || goyugaṃ dakṣiṇā deyā śrotriyāyāhitāgnaye
patnyorekā yadi mṛtā dagdhvā tenaiva tāṃ punaḥ || ādadhītānyayā sārddhamādhānavidhinā gṛhī