Nirnayasindhu 41.4
Nirṇayasindhu 41.4
- Language
- Sanskrit
41.4
”
ācārākeṃpi- “unmattaḥ kilviṣī kuṣṭhī patitaḥ klība eva vā | rājayakṣmāmayāvī ca
na nyāyyaḥ syātpratīkṣitum ||” evaṃ jyeṣṭhe chinnahastādāvapi na parivettṛtvam || tadāha
trikāṇḍamaṇḍanaḥ-“darśeṭiṃ paurṇamāseṣṭiṃ somejyāmagnisaṃgraham | agnihotraṃ vivāhaṃ ca
prayoge prathame sthitam || na kuryājjanake jyeṣṭhe sodare cāpyakurvati | kṣetrajādāvanījāne
vidyamānepi sodare || nādhikāravighātosti bhinnaudaryepi caurase | paṃgvandhamūkabadhirapatitonmādadūṣaṇe || saṃnyastacchinnahastādau yadvā ṣaṇḍhādidūṣaṇe | janake sodare jyeṣṭhe
kuryādevetaraḥ kriyām
41.4.p1
” iti || 'ārohataṃ daśataṃ śarkarīrmama' ityādhāne mantravarṇanācca || śarkarīraṃgulīḥ
tantraratnepyuktam-‘aṅgavaikalyātpūrvamāhitāgnitve'dhikriyetaiva nityeṣu | ādhānaṃ tu na kuryāttasya naimittikatvāt' iti || evaṃ caturaṃgulepi | ṣaḍaṃgulakāṇavivarṇādestvastyevādhikāraḥ | ekādaśasu daśāntargateḥ | 'śarīrakārśyaṃ vā vipratiṣiddham' iti hiraṇyakeśisūtre
karmāśaktihetorevāṅgavaikalyasya niṣedhāt || ata eva drāhmāyaṇasūtre-'yājyaśca prathamastribhirguṇaiḥ' iti nyūnāṅgasyāpyadhikāra uktaḥ || aparārke uśanāḥ-“pitā pitāmaho yasya
agrajo vātha kasyacit | tapo'gnihotramantreṣu na doṣaḥ parivedane ||” piturājñāyāmapyadoṣamāha madanaratne sumantuḥ-“pitrā yasya tu nādhānaṃ kathaṃ putrastu kārayet | agnihotre'dhikāro'sti śaṃkhasya vacanaṃ yathā ||” iti | nādhānaṃ kṛtamityarthaḥ || etadājñāyāmeveti
hemādriḥ | yattu 'pituḥ satyapyanujñāte nādadhīta kadācana' iti || tatsatyadhikāre jñeyam
Linked texts (13)
- Vārāhītantra — Sanskrit
- Āśvalāyanaśrautasūtra (ed. Rāmanārāyaṇa Vidyāratna, Calcutta) — Sanskrit
- Hārītadharmasūtra (fragments) — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Bhagavantabhāskara — Nīlakaṇṭha Dīkṣita 1625, Sanskrit
- Śaunakakārikā — Śaunaka 1566, Sanskrit
- Gṛhastharatnākara — Caṇḍeśvara, Sanskrit
- Daśanirṇaya — Veṅkaṭanātha Vaidikasārvabhauma, Sanskrit
- Saṃskāraratnamālā (Gopīnātha Dīkṣita Oka) — Gopīnātha Dīkṣita Oka, Sanskrit
- Bṛhajjyotiṣasāra — Bhavānī Śaṃkara, Sanskrit
- Āpastambasūtradhvanitārthakārikā — Bhāskara, Sanskrit
- Āpastambasūtradhvanitārthakārikā — Trikāṇḍa-Maṇḍana, Sanskrit
- Trikāṇḍamaṇḍana — Bhāskaramiśrasomayājin, Sanskrit