Nirnayasindhu 42.2-2
Nirṇayasindhu 42.2-2
- Language
- Sanskrit
42.2-2
” hemādrau bhaviṣye-“tasmin salilasaṃ pūrṇe kārtike tu viśeṣataḥ | munayaḥ kecidicchanti vyatīte cottarāyaṇe || na kālaniyamastatra salilaṃ tatra kāraṇam || ” dīpikāpi-“mārtaṇḍendūṅguśuddhau
surajidayane māghaṣaṭkasya śukle mūlāṣāḍhottarāśviśravaṇagurukare pauṣṇaśukrājyacandre
maitre brāhme ca pūrṇā madana 13 ravi 12 tithau saddhitīyātṛtīye kāryā toyapratiṣṭhājñagurusitadine kālaśuddhe sulagne ||” varāhaḥ--“āgneye yadi koṇe grāmasya purasya vā bhavati
kūpaḥ | nityaṃ sa karoti bhayaṃ dāhaṃ ca samānasaṃ prāyaḥ || nairṛtye vālabhayaṃ vanitākṣayaṃ ca
vāyavye | diktrayametattyaktvā śeṣāstu śubhāvahāḥ kūpāḥ ”
42.2-2.p1
vāstuśāstre-“bhūtiṃ puṣṭiṃ putrahāniṃ puraṃdhrīnāśaṃ mṛtyuṃ saṃpadaṃ śatrubādhām | kiṃcitsaukhyaṃ
śaṃbhukoṇādi kuryātkūpo madhyagehamarthakṣayaṃ ca ||” utsargavidhiścokto vahvacapariśiṣṭe‘athāto vāpīkūpataḍāgayajñaṃ vyākhyāsyāmaḥ | puṇye'hyudakasamīpe'gniṃ samādhāya vāruṇaṃ
caruṃ śrapayitvājyabhāgānte ājyāhutīrjuhuyāt || samudrajyeṣṭheti pratyṛcaṃ tato haviṣāṣṭau
tattvāyāmīti paśca tvaṃ no agne iti dve imaṃ me varuṇeti ca sviṣṭakṛtaṃ navamam | mārjanānte dhenuṃ tārayet | avatīryamāṇāmanumantrayet “idaṃ salilaṃ pavitraṃ kuruṣva śuddhāḥ pūtāḥ
amṛtāḥ santu nityam || māṃ tārayantī kuru tīrthābhiṣekaṃ lokāllokaṃ tarate tīryate ca ”
iti pucchāgre'nvārabdha uttīryāpo asmānmātaraḥ śundhayaṃtvityathāparājitāyāṃ diśyupasthāpayetsūyavasādbhagavatīti hiṃ kṛtaṃ ceddhiṃkṛṇvatītyalaṃkṛtāṃ viprāya dadyāditarāṃ nāśaktyā
dakṣiṇāṃ tata utsṛjeddevapitṛmanuṣyāḥ prīyantāmiti brāhmaṇānbhojayitvā svastyayanaṃ
vācayati iti’ || vistarastu mātsyokto'smatkṛte jalāśayotsargavidhau jñeyaḥ
kūpāderutsargākaraṇe doṣa ukto bhaviṣye-“sadā jalaṃ pavitraṃ syādapavitramasaṃskṛtam
kuśāgreṇāpi rājendra na spraṣṭavyamasaṃskṛtam ||” tathā-“vāpīkūpataḍāgādau yajjalaṃ
syādasaṃskṛtam || apeyaṃ tadbhavetsarvaṃ pītvā cāndrāyaṇaṃ caret ||”
atha vṛkṣāropaṇam
caṇḍeśvaraḥ- “ādityacāndrapitryatiṣyaviśākhapauṣṇamūlottarātrayaturaṃgamavāruṇāśca | eteṣu
tārakagaṇeṣu hitaṃ narāṇāṃ vṛkṣādiropaṇamihopadiśaṃti dhīrāḥ ”
Linked texts (3)
- Śārṅgadharapaddhati — Śārṅgadhara, Sanskrit
- Muhūrtamaṇi — Govinda, Sanskrit
- Muhūrtaratna (Īśvaradāsa) — Īśvaradāsa 1638, Sanskrit