Nirnayasindhu 46.2

46.2

sa ca liṅgādau dagdhe bhagne calite vā kāryaḥ | ayaṃ cānādisiddhapratiṣṭhitaliṅgādau bhaṅgādiduṣṭepi na kāryaḥ | tatra tu mahābhiṣekaṃ kuryāditi trivikramaḥ || karttāmukadevasya jīrṇoddhāraṃ kariṣye ityuktvā puṇyāhaṃ vācayitvā ācāryamṛtvijaśca vṛtvā | liṅge oṃ vyāpakeśvarahṛdayāya namaḥ | oṃ vyāpakeśvaraśirase svāhetyevaṃ ṣaḍaṅgaṃ kṛtvā'ghoramantraṃ śataṃ japtvā'
gniṃ pratiṣṭhāpyāghoreṇa ghṛtasarṣapaiḥ sahasraṃ hutvā | indrādibhyo nāmnā baliṃ dattvā jīrṇadevaṃ
praṇavena saṃpūjya brahmādimaṇḍaladevatānāṃ homaṃ pūrvoktaṃ kṛtvā devaṃ prārthayet | “jīrṇabhagnamidaṃ caiva sarvadoṣavahaṃ nṛṇām | asyoddhāre kṛte śāṃtiḥ śāstre'smin kathitā
tvayā ||jīrṇoddhāravidhānaṃ ca nṛparāṣṭrahitāvaham | tadadyastiṣṭhatāṃ deva praharāmi tavājñayā”