Nirnayasindhu 46.2-5

46.2-5

traivikramyām-“bāṇaliṃge ca lohe ca siddhaliṅge svayaṃbhuvi | pratimāsu ca sarvāsu na
caṇḍo'dhikṛto bhavet ||” atra-“brahmāpi śucirbhūtvānirmālyaṃ yastu dhārayet | tasya pāpaṃ
mahacchīghraṃ nāśayiṣye mahāvrate ||” iti skāndādaśucinā na grāhyaṃ śivanirmālyam
kiṃtu snātveti smārtāḥ || anupanītena grāhyamiti śrīdattaḥ || śivadīkṣāhīnaina grāhyamiti śaivāḥ | tithitattve hemādrau pariśiṣṭe-“agrāhyaṃ śivanaivedyaṃ patraṃ puṣpaṃ phalaṃ jalam
śālagrāmaśilālaṅgātsatsarvaṃ yāti pavitratām ||” pañcāyatanapūjāyāṃ tantreṇa ca niveditamityarthaḥ || śivapurāṇe-“ye vīrabhadraśamitāḥ śivabhaktiparāṅmukhāḥ | śaṃbhoranyatra deveṣu
ye bhaktā ye na dīkṣitāḥ || teṣāmanarhamīśasya tatprasādacatuṣṭayam ||”
kāśīkhaṇḍe-“jalasya dhāraṇaṃ mūrdhni viśveśasnānajanmanaḥ | eṣa jālaṃgharo bandhaḥ samastasuravallabhaḥ ||” tathā-“strāpayitvā vidhānena yo liṅgasnapanodakam | triḥ pibetrividhaṃ pāpaṃ
tasyehāśu vinaśyati || liṅgasnapanavārbhiryaḥ kuryānmūrddhanyabhiṣecanam | gaṅgāsnānaphalaṃ
tasya jāyate'tra vipāpmanaḥ”