Nirnayasindhu 49.2-4

49.2-4

"
jyotiṣe-“ekāhno nidhanaṃ daśāhamanilādvāṇā viyatparvatāḥ saptāṅgā vilayaśca māsayugalaṃ
māso mṛtiḥ pakṣakaḥ | dvau māsāvatha viṃśatirdaśa niśāḥ pakṣāntapakṣā nakhā māsau pakṣadaśāntapakṣakakubhaḥ pīḍādinānyaśvibhāt ||” daivajñaḥ-“ uragavaruṇaraudrā vāsavendratripūrvā
yamadahanaviśākhāḥ pāpavāreṇa yuktāḥ | tithiṣu navamiṣaṣṭhīdvādaśī vā caturthī bhavati maraṇayogo rogiṇāṃ kālahetuḥ ||” atra kumbhe haimīṃ nakṣatradevatāpratimāṃ saṃpūjya dvādaśadaleṣu
saṃkarṣaṇādidvādaśamūrtīrdvādaśādityān vā saṃpūjya dūrvāsamittilakṣīrājyairgāyatryā taddevatāyai aṣṭottaraśataṃ hutvā dadhyodanaṃ baliṃ dattvācāryāya gāṃ pratimāṃ ca dattvā viprān bhojayediti saṃkṣepaḥ || viśeṣastu vratahemādrau padārthāradarśa ca jñeyaḥ
atha bheṣajam
caṇḍeśvaraḥ-“mūlānurādhamṛgatiṣyapunarvasau ca pauṣṇāśvinīśravaṇaśukrakaratraye ca | vāreṣu
vākpatidineṣu siteṃduśaste bhaiṣajyabhakṣaṇamamīṣu hitaṃ narāṇām ||”
athārogyasnānam
śrīpatiḥ-“indorvāre bhārgave ca dhruveṣu sārpādityasvātimukteṣu bheṣu | pitrye cānte vāpi
kuryātkadācinneva snānaṃ roganirmuktajantuḥ || care vilagne ravibhaumavāre rikte tithau
syādbahule ca pakṣe | dhiṣṇye care roganipīḍitānāṃ snānaṃ narāṇāṃ nirujatvakāri