Nirnayasindhu 49.2-6

49.2-6

vasiṣṭhaḥ-“śanyarkaśukravāreṣu kujāhne vratavāsare| janmāhe śrāddhadivase dantakāṣṭhaṃ vivarjayet||”
hemādrau skānde-“abhyaṅge jaladhisnāne dantadhāvanamaithune | jāte ca nidhane caiva tatkālavyāpinī tithiḥ ||” saṃvartaḥ-‘ravau vivāha āśauce varjayeddantadhāvanam |’ vyāsaḥ“alābhe dantakāṣṭhānāṃ niṣiddhāyāṃ tathā tithau | apāṃ dvādaśagaṇḍūṣairvidadhyāddantadhāvanam”
athāmalakasnānam
vyāsaḥ-“śrīkāmaḥ sarvadā snānaṃ kurvītāmalakairnaraḥ | saptamīṃ navamīṃ caiva parvakālaṃ vivarja
yet || candrasūryoparāge ca snānamāmalakaistyajet ||” kratuḥ-“ṣaṣṭhī ca saptamī caiva navamī
ca trayodaśī | saṃkrāntau ravivāre ca snānamāmalakaistyajet ||” yattu-“navamī daśamī
caiva tṛtīyā ca trayodaśī | pratipaddvādaśī kṛṣṇā snānaṃ tāsu vivarjayet ||” yacca-“darśa
snānaṃ na kurvīta mātāpitroḥ sujīvatoḥ | putraḥ kurvannirācaṣṭe pitrorunnatijīvite” || iti
kaṇvayamādyaiḥ snānamātraṃ niṣiddham || tadbhogārthasnānaparam || na nityanaimittikaparamiti
hemādriḥ
atha tailasnānaniṣedhaḥ
kātyāyanaḥ-“pakṣādau ca ravau ṣaṣṭhyāṃ riktāyāṃ ca tathā tithau | tailenābhyajyamānastu caturbhiḥ parihīyate ||” gargaḥ-“pañcadaśyāṃ caturdaśyāmaṣṭamyāṃ ravisaṃkrame | dvādaśyāṃ saptamīṣaṣṭhyostailasparśaṃ vivarjayet || na ca kuryāttṛtīyāyāṃ trayodaśyāṃ tithau tathā | śāśvatīṃ
gatimanvicchan daśamyāmapi paṇḍitaḥ”