Nirnayasindhu 49.3-2

49.3-2

"
vyavahārasāre- "śilānyāsaḥ prakarttavyo gṛhāṇāṃ śravaṇe mṛge | pauṣṇe haste ca rohiṇyāṃ
puṣyāśvinyuttarātraye ||" vāstupradīpe- "adhomukhairbhaveddadhīta khātaṃ śilāstathaivordhvamukhaiśca
paṭṭam || tiryaṅmukhairdvāra kapāṭayānaṃ gṛhapraveśo mṛdubhirdhruvaiśca ||" lallaḥ- "snānaṃ ca pākaṃ
śayanaṃ ca bhojyaṃ gajālayaṃ vājigṛhaṃ dhanasya | devasya pūrvādidiśi krameṇa madhye sabhā
bhūpaniveśanyāya ||" śilpaśāstre-"kanyāsiṃhe tulāyāṃ bhujagapatimukhaṃ śaṃbhukoṇegnikhātaṃ vāyavye syāttadāsyaṃ tvalidhanamakare īśakhātaṃ vadanti | kumbhe mīne ca meṣe nirṛtidiśi mukhaṃ khātavāyavyakoṇe cāgneḥ koṇe mukhaṃ vai vṛṣamithunagate karkaṭe rakṣakhātam ||"
tattvaciṃtāmaṇau- 'yatra dairghyaṃ gṛhādīnāṃ dvātriṃśaddhastatodhikam | na tatra ciṃtayeddhīmān guṇānāyavyayādikān ||" rājamārttaṇḍaḥ- "āyavyayau māsaśuddhiṃ tṛṇāgāre na cintayet
śilānyāsādi no kuryāttathāgārapurātane ||" vyavahāratattve- "niṣiddheṣvapi kāleṣu svānukūle śubhe dine | tṛṇakāṣṭhagṛhārambhe māsadoṣo na vidyate ||" caṇḍeśvaraḥ- "pūrṇādi tvaṣṭamīṃ
yāvat pūrvāṃsyaṃ varjayedgṛham | uttarāsyaṃ na kurvīta navamyādi caturdaśīm || amāvāsyāṣṭamīṃ
yāvatpaścimāsyaṃ vivarjayet | navamyādau tathā yāmyaṃ yāvatkṛṣṇacaturdaśī || dhruvaṃ dṛṣṭvāthavā
smṛtvā kartavyaṃ vāsturopaṇam | sāyahne varjadivase rātrau tyaktvā mahāniśām